Kielipesä 13-15 elokuuta

Meänkieli kielipesä kaikile!

Sulle joka halvaat olla myötä missä kieli kuuluu.
Missä saat pruuata sanoja ja fraasia,
loruja ja lauluja, kuunella ja laulaa.
Missä saat leikkiä ja tehhä muita
kreeatiiviä aktiviteettiä
ja koko aijan paatata kielessä.
Sulle joka ossaat vähän meänkieltä, ei ollekhaan eli paljon.
Polvesta polvheen.
Tulkaa yhessä.
Opima yhessä ja toisilta.
Tule lapsi, tule täysi.
Tule lastenlapsen kans, tule lapsitten kans.
Tule sisaren kans, tule veljen kans.
Tule fasterin kans, tule muffan kans….
Tule sieki!

Kielipesä alkaa perjantaina 13 elokuuta kl 14
ja loppuu sunnuntaina 15 elokuuta klo 14.

Prukrammi oon täynä aktiviteetejä. Me kalastama, leekama, pellaama teatteria, laulama, maalama, saunoma ja syömä hyvvää ruokaa!

Suaningin vanhassa koulussa ”Svangården” asuma huonheissa
missä oon 5-10 petiä. Jos halvaat teltata, asua omassa talovaunussa eli nukkua kotona niin seki mennee hyvin.

Ja kuule, tiäks mitä, se ei maksa mithään.
Järjestät vain oman reisun tänne.

Hox! Ilmotusperiuuti oon 20-30 kesäkuuta.
Ensin mylhyyn jällaa… Vain 40 paikkoja.

Meilaa nimi, ikä, telefooninumero ja jos sie tarvitset spesiaaliruoka: kielipesa@tornedalsteatern.se

Jos sulla oon kysymyksiä. Mia Fors, 070-6760104 eli mia@tornedalsteatern.se

Tervetuloa!

Tornionlaakson teatteri järjestää kielipesän ja sai tehtävän Svenska Tornedalingars Riksförbund – Tornedalingar i Pajala kommun:ilta.
Finansiäärit: Institutet för Språk och Folkminne, Pajala kommuns minuriteetirahoja ja Stiftelsen Norrbottens Läns Arbetsstugor.

Affissikuva: Elina Isaksson Kruukka och Astrid Kruukka

 

 

 

Postat 17 June, 2021
Mun kultani

Mun kultani

Hansikentälä (Storslett) Pohjoisnorjassa sijaitsee kvänin teatteriföreninki jokka monta vuotta peräkhäin oon näytelheet monikielisen teatterinäytelmän ”Mun kultani”. Erling Fredriksson oon jo ennesthään ollut myötä muusikkona ja kapellimestarina. Vuonna 2019...

Meänkieli oon teän kieli

Meänkieli oon teän kieli

Prujekti ”Meänkieli oon teän kieli” startathiin septemperissä 2019 yhteistyönnä Tornionlaaksonteatterin ja Studieförbundet Sensus i Kalmarin välilä. Takotus oli ette teatterijohtaja Gudrun Skogsberg halusi nostaa kiinostusta kohti Tornionlaakson kultuuria hänen...

Podditeatteri

Podditeatteri

Prujekti oon yhteistyö Tornionlaaksonteatterin, Teater16, Riksteatern Barn & Unga, Riksteatern Norrbotten ja Pajala Unga Riksteaterföreninkin välilä. Teater16 jokka huseeraa Ljungbyyssä Koronobergin läänissä oon siittä saakka ko Allmänna Arvsfonden myönsi heile...