Kielipesä 11-13 elokuuta

Meänkieli kielipesä kaikile!

Sulle joka halvaat olla myötä missä kieli kuuluu.
Missä saat pruuata sanoja ja fraasia,
loruja ja lauluja, kuunella ja laulaa.
Missä saat leikkiä ja tehhä muita
kreeatiiviä aktiviteettiä
ja koko aijan paatata kielessä.
Sulle joka ossaat vähän meänkieltä, ei ollekhaan eli paljon.
Polvesta polvheen.
Tulkaa yhessä.
Opima yhessä ja toisilta.
Tule lapsi, tule täysi.
Tule lastenlapsen kans, tule lapsitten kans.
Tule sisaren kans, tule veljen kans.
Tule fasterin kans, tule muffan kans….
Tule sieki!

Kielipesä alkaa perjantaina 11 elokuuta kl 14
ja loppuu sunnuntaina 13 elokuuta klo 14.

Prukrammi oon täynä aktiviteetejä. Me kalastama, leekama, pellaama teatteria, laulama, maalama, saunoma ja syömä hyvvää ruokaa!

Suaningin vanhassa koulussa ”Svangården” asuma huonheissa
missä oon 5-10 petiä. Jos halvaat teltata, asua omassa talovaunussa eli nukkua kotona niin seki mennee hyvin.

Ja kuule, tiäks mitä, se ei maksa mithään.
Järjestät vain oman reisun tänne.

Hox! Ilmotusperiuuti oon 15-30 maita.
Ilmoita meilin kautta: kielipesa@tornedalsteatern.se
Kirjota nimi, ikä, nukupaikka, telefooninumero, spesiaaliruoka.

Ensin mylhyyn jällaa… Vain 40 paikkoja.

Jos sulla oon kysymyksiä. Mia Fors, 070-6760104 eli mia@tornedalsteatern.se

Tervetuloa!

Tornionlaakson teatteri järjestää kielipesän ja sai tehtävän Svenska Tornedalingars Riksförbund – Tornedalingar i Pajala kommun:ilta.
Finansiäärit: Institutet för Språk och Folkminne, Pajala kommuns minuriteetirahoja ja Stiftelsen Norrbottens Läns Arbetsstugor.

Affissikuva: Elina Isaksson Kruukka och Astrid Kruukka

 

 

 

Postat 25 April, 2023
Nuoria ampasatööriä

Nuoria ampasatööriä

”Nuoria ampasatööriä” oon projekti jonka tarkotus oon ette lisätä teatterinuorison innostusta Tornionlaaksolaisesta kulttuurista. Teatterijohtaja Gudrun Skogsberg halvaa näyttää ette kieli ja kulttuuri oon niin jännittävät ko kauhniit ja ette se saattaa kelle hyvänsä...

The Happy Crew teeveessä!

The Happy Crew teeveessä!

The Happy Crew* on joutunut perumhaan heän esityksen kolme kertaa pandemian vuoksi. Tämä oli osallistujille uskomattoman surullista ja vaikeaa. Jenny Hjort Rova ja Ida Brännström SVT Meänkielissä kuulivat The Happy Crewista ja päättii tehä dokumentin "Allt inställt"...

Mun kultani

Mun kultani

Hansikentälä (Storslett) Pohjoisnorjassa sijaitsee kvänin teatteriföreninki jokka monta vuotta peräkhäin oon näytelheet monikielisen teatterinäytelmän ”Mun kultani”. Erling Fredriksson oon jo ennesthään ollut myötä muusikkona ja kapellimestarina. Vuonna 2019...