PIHLAJA kertoo Tornionlaakson vuoenvaihoista, eristä säistä ja luonosta kläpitten läheisyyessä. Siinä käsitellhään kans vähän tuntheita läpi elukoitten ja luonon elämän rataa. Hiljanen mutta silti leikilinen ja interaktiivinen näytelmä jossa oon iso fuukys meänkielheen.
Näytteliä Anton Hennix Raukola oon tässä prujektissa saanu kirjottaa maanyksen, keksiä senografian, korjata puvun, ja hunteerata teknisiä ratkaisuja ja suunitela työn omitten iteoitten mukkhaan. Päämäärä oon ette useampi esikoululainen saapi kokea teatteria meänkielelä ja ette se nostais intoa meänkielen oppimisheen. Aika pienelä pakkauksela Antoni saatta vieraila kläppiä heän omassa esikoulu lukaalissa ja tarjota näytelmän likeltä.
