Näytelmät

Väliltä oon niin paljon selittämistä ette met tehemä oman sivun näytelmälle aivan täynä informasuunia. Tapahtumat-fliikin alla oon KAIKKI meän esitykset. Ota yhtheyttä meän prutysenttin kans jos halvat ette met tulema esittämhään sinun kylässä tai kaupunkissa.  

Meilaa prutysentilleTapahtumat

KÖÖKI SHOW

Kurjuutta, hulluutta ja musikkia tornionlaaksolaisessa sekamelskassa.Kööki oon kotin syän. Köökissä saattaa olla matalapaine elikkä sitä saattaa olla ilonen, rakastunnu elikkä hermostunnu. Köökissä keskustelhaan ja pysslathaan. Köökissä met kohtaama. Joskus siittä tullee täyttä sirkusta.Kööki Show ottaa lähtönsä Tornionlaaksosta. Pieni mailma suuressa. Tuntemisfaktori oon korkea, naurut monet ja tunnelma oon kotikas.Seenikuvassa näkkyy norrbottenilaisen taiteelian Kerstin Westinin kauhniit tunnelmaliset akvarellit.

Kaipuu muuale – Ditlängtan

1800-luvula moni muutti Ameriikhaan. Tornionlaaksossa oli kauhean köyhää ja ihmiset hait onnea Ameriikasta. Monet henkilöt tulit takashiin Tornionlaakshoon uusila perintheilä ja tioila. Maastamuuttaminen Karungista oon teemana ko Tornionlaaksonteatterin esittää uuskirjotetun pjääsin Richard Lidbergiltä. Bror Astermo ohjaa Ros-Mari Barmossen avula.Näytelmä pelathaan Sakarikartanolla, Karunkissa.Oonkos sulla kysymyksiä? Soitta Ros-Marille 070-3280373