Haaparanta
Ros-Mari Barmosse oon jo monta vuotta tehny töitä Tornionlaakson teatterille. Se oon energinen ihminen joilla oon monta hyviä iteoita. Rebecka Lindgren tekkee töitä Ros-Marin kansa ja avustaa repetisuunin aikana. Se hoitaa tekniikkaa, puvuja ja rekvisiitaa.
Tuleeks följhyyn? Soita taikka laita viestin Ros-Marille: ros-mari(at)tornedalsteatern.se/ 070-328 03 73.
Lapset ja nuoret
Jos käyt teatterissa Haaparannan kulttuurikoulussa niin saat Ros-Mari teatterijohtajaksi. Silloin ja tällöin met tehemä suuria hienoja näytelmiä missä musiikki-, tanssi- ja teatteriopiskelijat tekevät yhteistöitä seenilä.
Hae kulttuurikoulhuun Haaparannan kunnan kautta
Unelmien puutarha oon näytelmä missä seksi-tepyytin eriä mallia näytethään. Ros-Mari hakkee näytteliöitä 16-19 iässä.
Höntöset pansunäärit roosanfärissiä pilvessä, 2019
Raahvat amatöörit
The Happy Crew
The Happy Crew ryhmässä oon henkilöitä joila oon eriä kehitysvariaatioita. Net rakastavat pelata teatteria, laulaa ja tanssia. Pantemia oon ollu luja ja The Happy Crew:n premiääri oon saatu lykkäyttää kolme kertaa. Tällä hetkellä lyhyet esitykset nauhottethaan filmile.
Kevätalvela SVT kävi käymässä. Toivoma ette met heti saama nähä The Happy Crew teeveessä.
Imagine, 2019. Kuva: Lasse Stenman
Vireä saki
Täälä oon mahtava jängi amatöörinäytteliöitä joka tekkee näytelmän näytelmän jälkheen. Heti ko premiääri oon valmis niin seuraava harjotus ootaa. Ei ees pantemia saa tämän ryhmän toppaintumhaan. Vuonna 2020 net oon tehneet kaks lyhytelokuvvaa ja yks lyhyempi näytelmä pienemälle pybliikile. Toivottavasti näytelmä, Naiset saarela, saapi näyttää Sakarikartanola Karungissa jo aykystissä vuonna 2021.
Ens näytelmä ”Kissat” oon kometiia aikuisille joka oon täynä musiikkia. Ihmisoikeuet kissojen pärspektiivistä ja kysymyksiä joten ”Kellä oon oikeus ellää?” otethaan ylös. Maanys ja ohjaus: Ros-Mari Barmosse.
Pettson ja Findus, Kukon minuutti, 2019