Pajala

Pajalan Kulttuurikoulula oon oma teatterijohtaja joka huolehtii kaikista nuorista teatteriapinoista. Toimintaa raahvaile amatöörile järjestethään Tornionlaakson teatterilta ja met ootama ette met pääsemä pellaamhaan kesäteatteria väylänrannala Pajalassa.

Lapset ja nuoret

Pajalan Kulttuurikoulula oon oma teatterijohtaja nimeltä Lisa Hennix Raukola. Jos sie olet koulunuoriso Pajalassa ja halvat pelata teatteria niin sie saatat lähättää kysymyksiä meilin kautta osotheesheen lisa.hennix-raukola(at)pajala.se. Hakemus tehhään Pajalan kunnan e-palvelun kautta maissa.

Tornionlaakson teatteri oon useasti yhtheistyössä Pajalan Kulttuurikoulun kansa. Jokku ryhmistä harjottelevat Tornionlaakson teatterin huohneissa ja joskus met autama tekniikan kansa. Joka toinen vuosi Riksteatterilla oon nuorisoprojekti nimeltä LÄNK. Pajalan nuorisoryhmät oon olheet matkassa monta kertaa ja silloin Tornionlaakson teatteri ja Kulttuurikoulu oon yhessä auttanheet tukehmaan nuorisoa LÄNK-projektin kautta.

Tornionlaakson teatteri oon kansa osalistunnu filmiprojekthiin johonka kulttuurikoulu hakkee rahotusta. Ajatus oon ette Tornionlaakson teatteri oon apuna ohjauksen ja kielikompetensin kansa.

Raahvat amatöörit

Ilonen lohi

Ilonen lohi oon mahtava mysikaali joka pelathiin vuosina 1999 ja 2000 väylänrannala Pajalassa. Nyt oon aika tehhä tämän uuesti, niin sanotun come backin! Lauluharjottelut alkavat nuvemperissä 2021 ja uuen vuen jälkhiin harjottelut alkavat tosihaan. Halvaaks olla matkassa? Met tulema tarttemhaan iteälliä voimia ja lahjakhaita henkilöitä ette totheuttaa tämän suuren kesäteatterin. Pelipaikka tullee saahmaan jännittäviä taite-instalasuunia yhtheistyössä Pajalan kunnan kansa ja se antaa elämää popyläärile rantakävelytiele.

Lue lissää Ilonen lohesta

Maanys ja musiikki: Erling Fredriksson
Ohjaus: Bror Astermo
Prutysentti: Mia Fors, mia(at)tornedalsteatern.se