Hasse ja Helmi – Väylä & Jumalat

Syksylä 2021 Hasse ja Helmi tuleva takasi kouhluin uuela meänkielentiimala. Helmi oon niinku tavalisesti avoin uusile hunteerinkile, mutta Hasse oon formelli ja halvaa järjestystä ja oorninkia hänen ympärillä. Hasse tykkää vanhoista kampheista, mutta Helmi halvaa aivan uusia tavaroita. Esitys koskee olenoista ja kansanuskosta ja issoin kysymys oon jos se oon mahollista ette kaikin saa olla matkassa päättämisessä. Laulaminen ja leikkiminen auttaa lapset oppimhaan monta uuttaa sannaa meänkielelä.

Ennen koulunäyttelyä opettajat saava kattoa oppimateriaalia missä niile ehotethaan ette harjotella joitaki sanoja ja kattoa Hassen ja Helmin musiikkiviiteota yhessä kläpitten kans.

Toornionlaakson teatteri halvaa elävyttää vähemistökieltä, meänkieltä ja satsaa ette laittaa Hassen ja Helmin kaheksi kiinostavaksi karaktääriksi jokka tuleva takasi uusila seikkailuila.

UR oon päättäny pelata sisäle osia vuen näyttelyistä ja UR play lähättää net. Se oon jännää!

 

Turnéplan

Oktuuperissä näytelmää harjoitethaan. Premiääri koululapsile oon perjantaina 22 oktuuperiä ja lauantaina meilä oon premiääri ylheisölle Pajalassa.

Tyrnee tapahtuu v. 43,45,47 ja 48. Hasse ja Helmi halvava kohata kaikki lookstaatielapset koko läänissä. Tillaa nyt heän näytelmä teän kunthaan!

Medverkande

Seenilä: Anna Åsdell och Anton Hennix Raukola
Maanys: Alexandra Loonin
Ohjaus: Lena Engqvist Forslund
Musiikki: Erling Fredriksson
Puku & sminkki: Birgitta Rasmusson
Valo ja ääni: Jonas Pietikäinen

Fakta

Hyvää tietoja jos sie halvat järjestää esityksen!
Kohteryhmä: Lapset lookstaatiessa. Näytelmä soppii myös perhenäytelmäksi.
Seenikieli: Sekä meänkieltä ette ruottia.
Tyrneeaika: Nuvemperi 2021
Pybliikkiluku: Maks 40 henkilöä, eli Korona-restriksuunitten mukhaan
Peliaika: 1 osa, noin 40 min. Pellaama kaks kertaa päivässä samassa koulussa. Esimerkiksi klo 9:30 ja 12:30.
Seenialue: 6 m leveä ja 4 m syvä
Lukaali: Pelathaan jympasalissa eli muussa salissa missä oon seeni ja pybliiikkipaikkoja. Se oon hyvä että pybliikki istuu seenin lähelä.
Pybliikkipaikkoja: Mielummin eri tasoja (esim. matrassit, penkkijä ja tuolit)
Kattokorkeus: Vähhiiten 3 m.
Pimitys: Toivottavaa
Sähkövaatimus: 16A.Kolmen faasin yyttaaki.
Pukuhuone: Mielummin 2.
Tyrneeryhmässä: Kolme henkeä
Rakenus + repimisaika: 3t + 1t
Rakenus ja kantamisenapua: 1 henkilö teän organisasuunista ottaa tyrneeryhmän vasthaan ja näyttää kuinka kaikki toimii.
Ääni- ja valoteknikkaa: Tornionlaakson teatteri käyttää oma tekniikka-kampheet.Oonkos sulla kysymyksiä? Ota yhteyttä prutysentti Mia Forsin kans. 0978-10299 eli mia(at)tornedalsteatern.se

Muita kiinostavat näytelmät

Sekel kirjailia

Sekel kirjailia

Lydia Nordenstrand synnytti 20 lasta. Yksi niistä sai nimen Sekel ko se synty vuona 1900. Sekel kasusi ylös Seittenkaarela ja alko töihin Granviikin sahala kakstoistavuotihaana. Sillon jo hään puhu ette hään halusi tulla kirjailiaksi: ” Ei mikhään saata estää minua...

Vaimot saarela

Vaimot saarela

Kolme vaimoa joppaa nyloonisukkia Suomesta ja rajuilma pakkottaa net hakehmaan suojaa saarelta. Karsinapirttissä net saavat aijan kulumhaan korttipelilä, viinala ja vanhoja muistellen, siihen asti ette joku koputtaa ovela. Vaimot  saarela oon uusi käsikirjotus Tobias...