Kielipesä alkaa perjantaina 16 elokuuta kl 15
ja loppuu pyhänä 18 elokuuta klo 13.
Prukrammi oon täynä aktiviteetejä. Me kalastama, leekama, pellaama teatteria, laulama, maalama, saunoma ja syömä hyvvää ruokaa!
Suaningin vanhassa koulussa ”Svangården” asuma huonheissa
missä oon 5-10 petiä. Jos halvaat teltata, asua omassa talovaunussa eli nukkua kotona niin seki mennee hyvin.
Ja kuule, tiäks mitä, se ei maksa mithään. Järjestät vain oman reisun tänne.
Hox! Ilmotusperiuuti oon 15-30 maita.
Tässä oon linkin mistä voit Ilmoita. Kirjota nimi, ikä, nukupaikka, telefooninumero, spesiaaliruoka. Ja met halvama myös tietää mikkä aktiviteetit joka sie tykkäät eniten.
Ensin mylhyyn jällaa… Vain 40 paikkoja.
Jos sulla oon kysymyksiä. Mia Fors, 070-6760104 eli mia@tornedalsteatern.se
Tervetuloa kielipeshään!
Sulle joka halvaat olla myötä missä kieli kuuluu.
Missä saat pruuata sanoja ja fraasia,
loruja ja lauluja, kuunella ja laulaa.
Missä saat leikkiä ja tehhä muita
kreeatiiviä aktiviteettiä
ja koko aijan paatata kielessä.
Sulle joka ossaat vähän meänkieltä, ei ollekhaan eli paljon.
Polvesta polvheen.
Tulkaa yhessä.
Opima yhessä ja toisilta.
Tule lapsi, tule täysi.
Tule lastenlapsen kans, tule lapsitten kans.
Tule sisaren kans, tule veljen kans.
Tule fasterin kans, tule muffan kans….
Tule sieki!
Tornionlaakson teatteri järjestää kielipesän ja sai tehtävän Svenska Tornedalingars Riksförbund – Tornedalingar i Pajala kommun:ilta.
Finansiäärit: Institutet för Språk och Folkminne, Pajala kommuns minuriteetirahoja ja Stiftelsen Norrbottens Läns Arbetsstugor.
Affissikuva: Elina Isaksson Kruukka och Astrid Kruukka
- Sauna
- Grillikota
- Luuke
- Ruokasali
- Kartano
- Nukkumasali