Mun kultani

Hansikentälä (Storslett) Pohjoisnorjassa sijaitsee kvänin teatteriföreninki jokka monta vuotta peräkhäin oon näytelheet monikielisen teatterinäytelmän ”Mun kultani”. Erling Fredriksson oon jo ennesthään ollut myötä muusikkona ja kapellimestarina. Vuonna 2019 Tornionlaakson teatteri Gudrun Skogsberg oli ohjajana Kyläpelissä joka perustuu monhiin pienhiin näytelmhiin pitkin Reisalaaksoa ja päätty ulkonäytelmälä ”Mun Kultani” kans. Se oon iso ryhmä sisältäen muusikoita ja näytteliöitä Reisalaaksosta ja vahvistuksia Norrbottenista. Sekä lapsia ette raavhaita, amatööriä ja friilansaria liitethään näytelmhiin. Vuonna 2020 näytelmä peruthiin pantemian takia. Vuotta 2021 varten Gudrun Skogsberg oon muokkailu käsikirjotusta ja toive oon ette hän saattais resiseerata kesälä 2021. Se oon tietenki vielä epäselvää riippuen pantemiista.

Kvääniteatteri oon perustamassa oman teaatterin Hansikentäle. Erling Fredriksson oon alussa myötä taitheelisena raatina ko Norja saapi Tornionlaakson teatteria vastaavaan teatterin. Met toivoma tietenki ette tullee lissää yhteistöitä tulevaisuuessa.

Postat 1 May, 2021
Revyy Pajalassa

Revyy Pajalassa

Janyaarissa 2024 oon taasen revyy Pajalassa. Revyy oon jotaki mitä Pajalan harrastajanäytteliät ja ylheisö oon kaivanheet vuoesta 2014 asti. Kymmenen vuotta sitten viimeksi! Nyt oon taas aika siihen uuesthaan ja met toivoma ette sekä näytteliät ette ylheisö oon...

Kielipesä 11-13 elokuuta

Kielipesä 11-13 elokuuta

Meänkieli kielipesä kaikile! Sulle joka halvaat olla myötä missä kieli kuuluu. Missä saat pruuata sanoja ja fraasia, loruja ja lauluja, kuunella ja laulaa. Missä saat leikkiä ja tehhä muita kreeatiiviä aktiviteettiä ja koko aijan paatata kielessä. Sulle joka ossaat...

Nuoria ampasatööriä

Nuoria ampasatööriä

”Nuoria ampasatööriä” oon projekti jonka tarkotus oon ette lisätä teatterinuorison innostusta Tornionlaaksolaisesta kulttuurista. Teatterijohtaja Gudrun Skogsberg halvaa näyttää ette kieli ja kulttuuri oon niin jännittävät ko kauhniit ja ette se saattaa kelle hyvänsä...